認識顏色教材分享 (適合1歲或以上)

我自己大約1歲3個月開始訓練小兒顏色,佢既色感唔強,教咗好耐,起初真係以為佢係色盲,但係好多人同我講,無咁快架,有啲小朋友係遲啲架!差唔多到兩歲終於識晒啲基本色!最初接觸的顏色係綠色,因為爸爸架車係綠色,以後問佢什麼東西都係「綠色」不過好神奇,突然有一日,所有顏色識晒!

開始讓小朋友認識顏色時,可以嘗試以互動的方式,引起佢對顏色既興趣!精明c9就自己做咗啲顏色咭比佢玩!用魔術貼做,易撕易貼,順便訓練下啲小手肌!起初,可以用純顏色的公仔咭讓他們一個個貼,之後家長可以讀出顏色,讓他們自己在眾顏色中尋找!

教材自己用過覺得好,開心share,有興趣可以自己係呢到下載!整返個同你個小朋友一齊玩啦!

教學	Page	做法	共用
基礎顏色(一) 媽媽拿起一張咭(例如:紅色),跟寳寳說「紅色,貼係邊呢?」讓寳寳自己貼在紅色公仔上面(找一樣)	1	整頁過膠,於顏色中間貼上魔術貼	把Page 2的顏色貼在Page 1上
	2	沿黑線剪下,過膠再剪下 背面貼上魔術貼
基礎顏色(二) 媽媽指住Page 3讀出顏色,讓寳寳自己在11隻顏色紙上找回並貼上	3	整頁過膠,於每一方格中間貼上魔術貼	把Page 4的顏色貼在Page 3上
	4	沿黑線剪下,過膠再剪下 背面貼上魔術貼



真心希望大家都啱用!

#beasmartc9