K1幼兒學習中文字分享

犬兒剛讀K1,中文真係好難教,始終講的同寫的字好唔同!比如你問佢「玩唔玩波波呀?」中文「波波」叫做「皮球」!但溝通上你唔好同佢講「你玩皮球嗎?」返咗一個月學,老師教咗三個中文字,就係「天」, 「早」, 「上」



有一日,見到學校通告,告知家長上月他們在學校學了什麼(很詳細的)就諗住考下佢睇下識唔識!唔問都好地地,一問真係已為佢有讀寫障礙><!教咗45分鐘都分唔到呢三個字,講咗好耐呢個係「上」字,指住個「天」字問佢,佢話係個「落」字,成晚都無講過個「落」字,你係邊到作出來呀?那天是10月14日(好嘔血的一晚)

見到佢好慘,但又知道呢個只係一個開始,漫漫長路呀仔!中文同英文真係好唔同,英文講既同寫既係一樣, 點都係「ball」! 於是上網睇下點樣可以吸引到佢記得啲中文字,無意中找到中文字的由來(象形文字/甲骨文)覺得都幾有趣!老實講,如果唔係有一個3歲的兒子,實在唔會無啦啦走去看象形文字(笑)

嘗試搵一啲象形文字/圖畫,另一面寫個中文字,第一log我做咗13個,有以下的: 「上」「下」「大」「小」「人」「天」「水」「火」「口」「月」「雨」「山」「手」對摺再過膠!我知道坊間都有好多認字咭,但係自己做的咭可以就返小兒的進度同興趣,同埋同佢一齊做啲咭出來,佢好想要!(c9上身,慳返幾廿蚊)

每日同佢玩一陣,講啱就比張咭佢,錯咗就比識答的爸爸!我是這樣教的…

「上」「下」字

1)  睇下枝筆係張枱的..佢會答「上面」順理成章你會話,所以呢個係個「上」字
2)  另外我會教佢「上」字嗰「一」畫好似張枱,「卜」字好似枝筆,如果枝筆係張枱上面就係「上」字,相反就係「下」字
「口」字

1)  比張認字咭有圖畫嗰面佢看下,跟住叫佢你「呀」呀?嘩,咁似你個口既?
2)  問下佢係咪一樣架?佢會答「係」咁顺勢話,所以呢個係個「口」字

就係咁樣,一個星期,呢13個字已經識晒(無看圖畫)原來小朋友可以學得咁快!為咗小朋友可以愉快學習,係教材方面總要花點心思!雖然花時間去做,但出來的效果好滿意!

32個基礎中文單字手工咭:在此下載